Fréttir

Tjaldsvæði á Landsmóti hestamanna hefur opnað og eru fyrstir nú þegar búnir að koma sér fyrir. Tjaldgestir mótsins eru velkomnir á tjaldstæði landsmóts í Reykjavík. Sala á tjaldstæðum, bæði með og án rafmagns, fer fram á tix.is. Enn eru laus rafmangsstæði á tjaldsvæði.

Miðbæjarreiðin Landssambands hestamannafélaga fór fram í dag í blíðskaparveðri. Fyrir miðbæjarreiðinni fóru Hjörtur Bergstað, formaður stjórnar Landsmóts 2024, Guðni Halldórsson formaður Landsambands hestamannafélaga, Ásmundur Einar Daðason, mennta- og barnamálaráðherra, og Jónína Björk Vilhjálmsdóttir formaður hestamannafélagsins Spretts.

Öll aðkoma hrossa á kerrrum er um Selásbraut.

Keppendur og forráðamenn athugið! Við biðjum ykkur vinsamlegast að fara með allar lausar hestakerrur af mótssvæðinu til að tryggja gott pláss og aðgengi allra að hesthúsum.

Sunnudaginn 30. júní kl.18:00 verður haldinn knapafundur fyrir alla keppendur mótsins, foreldrar eru velkomnir með keppendum í yngri flokkum. Þar mun mótsstjóri og yfirdómari fara yfir allar helstu reglur og fyrirkomulag auk þess að svara fyrirspurnum.

Ríflega 170 kynbótahross koma í einstaklingsdóm á landsmóti að þessu sinni, auk afkvæmahestanna sem eru ellefu talsins. Sýningarstjóri kynbótahrossa, Pétur Halldórsson, hefur lesið saman ráslista í hringvallagreinum og kynbótasýningum, til að kanna mögulega árekstra knapa sem sýna hross á báðum vígstöðvun, einfaldlega til þess að koma í veg fyrir þá.

Hundar eru velkomnir að kíkja á landsmótið í Víðidalnum með eigendum sínum. Það er þó nauðsynlegt fyrir eigendur þeirra að kynna sér nokkrar reglur um veru þeirra á svæðinu. Hugið fyrst og fremst að velferð þeirra, því áreitið er mikið á staðnum og dýrin geta orðið stressuð og óörugg og þannig líður engum vel. Fyrir suma hunda væri því skynsamlegast að vera í pössun á meðan landsmóti stendur.

Nú styttist í miðbæjarreiðina sem fram fer á morgun, laugardag 29.júní kl 12:00. Reiðin hefst við BSÍ og þaðan verður haldið upp á Skólavörðuholtið og svo áfram í gengum miðbæinn, að Tjörninni og endar reiðin aftur á BSÍ.

Bikarinn okkar góði, Sleipnisbikarinn, var sóttur í gær og er ferð hans heitið á Landsmot Hestamanna þar sem hann verður veittur Álfakletti frá Syðri-Gegnishólum.

Partý mánudagsins verður verður án efa í herbúðum Horses of Iceland í félagheimili Fáks. Að lokinni keppni í barnaflokki býður Horses of Iceland öllum knöpum í barnaflokki Landsmóts í veislu, þar sem hverjum og einum keppanda er heimilt að taka með sér einn gest. Keppendum verða afhentar knapagjafir af ráðherra mennta- og barnamála, Ásmundi Einari Daðasyni.