Fréttir

Landsmót fer fram á Hólum í Hjaltadal 6.-12. júlí 2026

Að loknu Landsmóti er við hæfi að þakka öllum þeim sem lögðu hönd á plóg við undirbúning og framkvæmd Landsmóts.

Álfamær frá Prestbæ og Árni Björn Pálsson eru sigurvegarar A-flokks á Landsmóti 2024 með einkunnin 9,05! Innilega til hamingju!

Safír frá Mosfellsbæ og Sigurður Vignir Matthíasson sigra B-flokk á Landsmóti með einkunnina 9,02! Innilega til hamingju!

Matthías Sigurðsson fór Krýsuvíkurleiðina að sigri í Ungmennaflokki. Hann hafði deginum áður sigrað B-úrslitin í Ungmennaflokki og þar með tryggt sér sæti inn í A-úrslitin þar sem hann gerði sér lítið fyrir og sigraði! Matthías og Tumi frá Jarðbrú sigruðu Ungmennaflokkinn á Landsmóti 2024 með einkunnina 9,03! Innilega til hamingju!

Ída Mekkín Hlynsdóttir sigraði Unglingaflokk á Landsmóti á hryssu sinni Marín frá Lækjarbrekku 2 með einkunnina 8,96! Innilega til hamingju!

Það var Geysisfélaginn Viktoría Huld Hannesdóttir á hesti sínum Þin frá Enni sem sigraði Barnaflokk á Landsmóti hestamanna árið 2024! Þau hlutu hvorki meira né minna 9,25 í einkunn. Sýningar knapa á hestum sínum í barnaflokki voru vægast sagt stórkostlegar og einkunnirnar eftir því! Innilega til hamingju knapar!

Jón Ársæll Bergmann og Harpa frá Höskuldsstöðum stóðu efst í A-úrslitum fimmgangs á Landsmóti hestamanna. Þau hlutu í einkunn 7,86 og 1.sætið.

Gústaf Ásgeir Hinriksson á Össu frá Miðhúsum sigruðu fjórgang á Landsmóti hestamanna 2024. Hlutu þau 8,30 í einkunn og 1. sætið.

Ásmundur Ernir Snorrason sigraði slaktaumatölt á Landsmóti með einkunnina 8,96 á hryssunni Hlökk frá Strandarhöfði. Annar var Ólafur Andri Guðmundsson á Draum frá Feti með einkunnina 8,54.