Fréttir

Vekjum athygli keppenda á því að búið er að birta ráslista fyrir milliriðla í Barnaflokki, B-flokki og Ungmennaflokki. Sérstakan flipa er að finna hér í valstikunni að ofan "ráslistar milliriðlar" þar sem upplýsingar er að finna.

HorseDay uppfærði snjallforrit sitt í gærkvöldi og hvetjum við alla mótsgesti og notendur snjallforritsins að sækja sér nýjustu uppfærsluna. Hægt er að sækja uppfærsluna í app store fyrir iPhone og goole play fyrir android. Þá ættu allir nýjustu breytingarnar að verða sýnilegar, s.s.

Nú er sérstakri forkeppni í Unglingaflokki á Landsmóti lokið. Marín frá Lækjarbrekku 2 og knapi hennar Ída Mekkin Hlynsdóttir eru efstar eftir forkeppni með 8,79 í einkunn.

Í dag kl. 15.00 mætir rithöfundurinn og leikstjórinn Björk Jakobsdóttur í félagsheimili Fáks, á Landsmót hestamanna. Þar mun Björk árita bækur sínar "Hetja" og "Eldur" og lesa fyrir gesti.

Við biðlum til gangandi gesta að nýta ekki reiðvegi sem göngustíga. Það er afar mikilvægt að við höldum reiðvegum fríum fyrir ríðandi umferð.

Hinrik Bragason og Trú frá Árbakka sigra gæðingaskeiðið og eru þar með fyrstu verðlaunahafar Landsmóts hestamanna 2024

Sérstök forkepppni í B-flokki ungmenni Landsmóts er nú lokið. Efstur eftir forkeppni stendur Tumi frá Jarðbrú og knapi hans Matthías Sigurðsson með 8.91 í einkunn. Keppni hófst kl.18:40 og sýndu 82 keppendur hesta sína í sérstakri forkeppni. Allar einkunnir er að finna hér fyrir neðan og á heimasíðu mótsins undir flipanum Niðurstöður. Í HorseDay appinu er einnig að finna allar niðurstöður og sundurliðaðar einkunnir. 30 efstu hestar og knapar halda svo áfram í milliriðla sem fara fram á miðvikudaginn kl.14:10. Innilega til hamingju með árangur dagsins knapar!

Keppendur athugið! Vallarvinna starfsmanna mótsins mun fara fram alla morgna, klukktíma áður en skipulögð keppnisdagskrá hefst.

Sérstök forkepppni í B-flokki Landsmóts er nú lokið. Efstur eftir forkeppni stendur Kór frá Skálakoti og knapi hans Jakob Svavar Sigurðsson með 8.89 í einkunn.

Kæru landsmótsgestir! Við viljum vekja athygli ykkar á því að óprúttnir aðilar hafa sett upp svindl síður á samfélagsmiðlum og þá aðallega Facebook. Þessar síður eru nú að reyna að selja áhugasömum "Live stream" eða lifandi streymi af keppni Landsmóts. Allt streymi af mótinu er hjá ALENDIS, www.alendis.is, og hvergi annarsstaðar.