Ræktunarbú

mbl.is / Styrmir Kári 2022

 

Sýningar ræktunarbúa skipa heiðurssess á landsmótum hestamanna og á LM2024 verður engin breyting þar á. Tilhögun sýninga verður með svipuðu sniði og verið hefur á undanförnum mótum, þ.e. að þátttaka verði miðuð við 10 ræktunarbú. Ræktunarbúin eru á dagskrá mótsins föstudagskvöldið 5. júlí og mun áhorfendum verða boðið að velja bestu ræktunarbússýninguna.

Það ræktunarbú sem sigrar á föstudagskvöldi ávinnur sér þann heiður að koma fram á laugardagskvöldinu í skemmtidagskrá kvöldvöku. Sýningartími á hvert bú er 5 mínútur. Útfærsla sýningar er alfarið á ábyrgð forráðamanna. Fótaskoðun verður viðhöfð og gilda reglur gæðingakeppni þar um, auk allra viðmiðana mótsins um heilbrigði og dýravelferð. Að lágmarki skulu 5 hross sýnd og þurfa þau að vera frá sama lögbýli, eða fædd meðlimum sömu fjölskyldu.

Þátttakendur velja tónlist sjálfir og hafa samráð við þul hvernig búið skuli kynnt. Sýnendum býðst að nota risaskjá til kynningar á búinu á meðan sýningu stendur og einnig að senda inn efni á vef landsmóts.

Þúfur var valilð annað ræktunarbúa ársins 2023 hefur þegið boðið um að vera með í sýningunni en Fákshólar sáu sér ekki fært að koma. Strandarhjáleiga afþakkaði sömuleiðis boð sem keppnishestabú ársins 2023. 

Tólf ræktunarbú taka þátt í sýningunni að þessu sinn og hefur rásröð þeirra verið dregin: